La projekto "Disa Adresaro" celas disponigi rete alireblan programaron por prizorgi diversajn administrajn taskojn de la asociaro esperantlingva. Plej baze estas la prizorgado de ĝisdata adresaro (bona iniciato tiurilate estas la Reta Kartaro ĉe http://www.esperanto.nu/kartaro/). Aliaj servoj dependas de tiu baza servo: prizorgado de membraro, prizorgado de renkontiĝo, prizorgado de volontularo, prizorgado de kontaro, prizorgado de butiko, i.a.

La disponigota programaro estu uzebla same ĉe loka reto kiel ĉe Interreto. Pro uzado en reta medio, nenia devigo eblas pri elekto de operaciumo, nek ĉe la uzulo, nek ĉe la servilo. La bazaj teĥnologioj estu do tiuj uzataj por porteblaj distribuataj aplikaĵoj: kutima uzula foliumilo kaj Ĝava aplikaĵa servilo.

La arkitekturo de la sistemo estos prezentata en tiu ĉi dokumentaro tra diversaj UML-diagramoj. Projekta dokumentado ekpretiĝas per estigo de funkcia specifaro kaj sistema arkitekturo. La kodado de la Ĝavaj klasoj sekvos kelkajn regulojn pri programada stilo. Kelkaj difinoj de uzataj terminoj haveblas kiel leksikonero.

Se vi frontas problemojn pri la stilo (ekzemple, via tiparo ne estas unikoda), mi sugestas al vi instali kelkajn unikodajn tiparojn en vian komputilon (tiuj en tip-hxam.zip (823 kB) estas laŭ TTF-formato, do taŭgas por Vindozo k Linukso).